జీవంపోయి

ప్రేమే ప్రేమకి పరిభాషడిగింది
సాగరమే దాహం తీర్చమంది
వేడినార్పే గాలే ఆవిరివద్దంది
పెనవేసుకున్నబంధం పొమ్మంది
కనులతో తాకి ప్రేమకి జీవంపోయి
మనసులోస్మరించి అమరత్వానీయి

ఇలావద్దు

నా పగలు గడిచింది నీ అలుకలో
రేయి గడవకుంది నీ నిరీక్షణలో
నీ చిరునవ్వే నన్ను బ్రతికిస్తుంది
భ్రాంతి నుండి బయటపడేస్తుంది
ప్రేమించే మనసని క్షణాల్లో అనకు
ప్రేమించి నమ్మించి మోసం చేయకు.
బరువెక్కిన మనసుకు ఏ మందూవద్దు
నన్ను నాకు దూరంచేసి ప్రాణంపోయొద్దు.