ఈ జన్మలో

నన్నునేను మరచినా నిన్ను మరువను
కలలమాటున నిన్ను దాచుకుంటాను...
నీ ఊహనే శ్వాసగా మార్చుకున్నాను
జ్ఞాపకాలనీడగా నిన్ను తలచుకుంటాను...
భావాలఝరిగా నిన్ను మలచుకున్నాను
రాసే ప్రతి పదములో నీ రూపుగాంచెదను...
నీవు నా దానివి కాదన్నది నిజమైనను
మరుజన్మను మాత్రం నేనెలా నమ్ముతాను...
నీ చెలిమిలేని జీవితం నేనూహించలేను
ఈ జన్మలోనే నే నిన్నుచేరి అంతమయ్యేను...

దూరమైనావు

మరచిపోమంటావు మరపులోదాగి నీవు

నిదురపోనీయవు కలవరింతగామారి నీవు

ఆకలిని హరించి ఆరగించమంటావు నీవు

నా నవ్వుని దొంగిలించి నాకు దూరమై నీవు

మనసుదోచి నన్ను నర్తించు అన్నావు నీవు

నన్ను నాకు దూరం చేసినావు...ప్రియతమా!

తలవకు

మనసా మరి మరి తలవకు

తలచి మరింతగా విలపించకు

విలపించిన నీ కంటరాలు

ఎగసిపడిన జ్ఞాపకాలు....

నిను తలవక ఉండలేను

నాకునేనే దూరంకాలేను

ఆగదు ఆగమన్నా ప్రాయం

వీడిపోదు పొమ్మన్నా ప్రాణం....

మత్తు

త్రాగే మందులో లేదు
ఉంటే సీసా వేసేది చిందు..
నిగ్రహంగా వుంటే ఏమీ చేయదు
మందే కాదు స్త్రీ పొందు..

నువ్వు కాదని అంటే

పూలపై పడిన మంచుబిందువులతో పూలరేకులు వాడిపోవు...

దూరమైనా మన మనసుల్లో ప్రేమ ఎన్నటికీ తరిగిపోదు...

క్షణం ప్రతిక్షణం ఆగిపోదు మనం ఆగిపొమ్మని అంటే...

క్షణం ఆ మరుక్షణం ఆగిపోతుంది నువ్వు కాదని అంటే...

భిన్నంగా

అందరు అందాన్ని చూస్తే

నేను హృదయాన్ని చుసాను.

అందరు స్వప్నాలను చూస్తే

నేను వాస్తవాలని వెతికాను.

అందరూ రహదారిన అడుగేస్తే

నేను గమ్యాన్ని చేరాను...

ఏం తెలుసు?

అగ్గిని రాచేసినవానికేం తెలుసు దాన్ని ఆర్పడం

మనసువిరిచేవానికేం తెలుసు మనసివ్వడం

మాట మార్చేవానికేం తెలుసు మాటివ్వడం

అడ్డదారిన వెళ్ళేవానికేం తెలుసు దారిచూపడం

తనకితానే అర్థంకానివానికేం తెలుసు ఎదుటివారినర్థం చేసుకోవడం